السلام عليكم ورحمة الله وبركاته
هذى قصيده سمعتها وحبيت اقولها لكم
القصيده حزينه وتبكي .... وهى قصه طويله بس اختصارها ،،
ان إمرأه كانت متزوجه وتزوج عليها زوجها من وراها وجاها بالبيت وقاله ابيك تروحين معاى للسوق تشترين كل شىء بخاطرك ويعجبك
المهم الحرمه المسكينه شرت كل شى حلوو عجبها من مكياج وملابس
ولما جوو البيت
قالها زوجها وين الاغراض اللى شريتيها
قالت له ليش قال الاغراض مولك للحـرمـه الجديده وكنت ابيك تشترين الاغراض بنفسك
لاني انا ما اعرف اذواق الحريم وانتى اكيد ذوقك حلوو
الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..فى
احد زارنى قالولها لا محد زارك
وقالت القصيده:
تكفين يا طيـور الحـرار افزعيلـى
.ابى عن ديار الاهـل منـك اخبـار
تكفين حومـى فوقهـم وارجعيلـى
.وإلا ان حصل لك حومه داخل الدار
تكفيـن حـول بيوتهـم دوريـلـى
.سبعة فروخ يـوم اخليهـم صغـار
شوفى ضناى وعودى وانكفـى لـى
.واشلونهم يا علهـم صـارو كبـار
نسوا دفـاي ونومهـم فـى شليلـى
.وش علمهم يا علهم بطول الاعمـار
قولي لهـم ان امكـم لهـا عويلـي
.خمسه سنيـن دمعهـا دوم مـدرار
وقولي لهم إني علـي طـول ليلـي
.أنوح وليـا قـرب الصبـح أنهـار
وقولي عيونـي دايمـا لـه هميلـي
.تبكي ليا شافت مـن النـاس زوار
كل يوم اقول غدى حديهـم يجينـي
.راحت سنيني مابهم واحـد(ن) زار
وانا اللي من سبت سـوات الحليلـي
.حالي تـردى كـل مالـه وينهـار
وفرقا ضناي اللـي تـردت بحيلـي
.كني على شوفتهم اصلى على نـار
ياويلـي كـان الله عجـل رحيلـي
.وانا لي سنين ابي لو هـي اخبـار
ياعونـة الله مـن يبـي يرتكيـلـى
. ليا جارت علي بأمر الله كل الأقدار
تنكـروا مـن يدخلـون الدخيـلـى
.واللي بوسط ديارهم يامـن الجـار
قولي لهـم ياطيـور قلبـي عليلـي
.الله يكافي قلوبهم صـارت احجـار
وانا اللي لبـراق الخيـال استحيلـي
.واقـول ياعـل ديرتهـم للأمطـار
تكفيـن وسـط ديارهـم صوتيـلـي
.شوفي عسى لأسمي مع الناس تذكار
وقولـي لمـن نسيانهـم يستحيلـي
.ياللي نسيتوها تـرى الوقـت دوار
ياهيـه ياللـي بالسمـا لـك هديلـي
.ردي خبـر تكفيـن يكفـي امـرار
شوفي هاك اللي نومهم فـي شليلـي
.من اذان المغرب لوقـت الأسحـار
شوفي هاك اللي ماتهنى في مقيلـي
.إلا مقيـل معهـم كبـار وصغـار
وقولي لهم ان كـان حملـي ثقيلـي
.مره يجون وعقبهـا شـي ماصـار
وانـا يتولانـي كريـم(ن) جليـلـي
.ياعلني في جنّـة وسـط الأبـرار
اخـــــتكــــــم
أنفـــــاس السكــون
الثلاثاء نوفمبر 13, 2007 8:15 am
