بسم الله الرحمن الرحيم
شباب السالفه وما فيها اني اجلس مع اخوياي وكلهم يكلمون ويقولون لي خويتي خويتي خويتي وخويتي, طفشوني صراحه , عاد متى انقهر ان اذا نزل السوق واحد فيهم وخذاني معه ليش ؟ عشان هديه خويته ياني انقهر واجلس اعظظ شفايفي من القهر وانتظر اي فرصه بس اخرب عليه بس من برى شكلي اضحك معه مو عن شي بس نفسي اصير زيه واقول ياولد متى تنفك ذي العقده. مع اني ماني حلو بس ماني بشين ياخي من جد قهر
المهم
ولا ازيدك من الشعر بيت ركبت مع واحد مره وكل شوي يدق جواله ولا يرد وكل شوي يقول
اف....اف .....اف من ذي ؟ سكت انا صراحه
<<بالعاده ملقوف لازم اسأل قلت بنفسي والله لاسأله وش فيك يافلان يقول ياخي ذا البنات ازعجوني!!!!
انا هنا غصيت
يعني مو وحده يعني مو ثنتين يعني واجد ولا شكله بعد ذا خوي ياهووو شين وعلى فكره كل كشته للبر مايخذونه العيال يقولون عنه موسوس !!!
قلت لنفسي وسع صدرك قريب تفرج عليك الله يكون بالعون !!!
للمعلموميه عمري بحياتي ماسافرت خارج المملكه, وتتسهل الامور واقبل في بعثه خارج المملكه وانا اللي اطير من الفرحه وصرت ساحب على اخوياي كلهم ولا اكلم احد واتعمد اي واحد يدق بعد علي اتكلم انجليزي اذا رديت
<<< مصدق عمره
شوف اذا رديت
YES HELLOW HOW CAN I HELP YOU TODAY
عاد اخوياي كلهم شهاداتهم متوسط القوي فيهم ثانوي بس تجاري!! الظروف اللي جمعتني معاهم بس كلهم راعين بنات!!!
شوف عاد الموقف اللي صار لي !!!
انا وصلت المطار واهلي معي وبكى وحاله تقول بيرسلون جنازه وامي تعطيني زيت مقري عليه تقول لاتجيك عين من جماعتنا اقرأ على نفسك !! طبعا للمعلموميه كل جماعتنا دشير ونص عيالهم بالسجن....
المهم صرفت اهلي بالمطار وطبعا طاق الكرفته ولاأبي ابن امه يمسكها عشان ماتخرب علي.... لاني ماعرف اربطها .... والعالم تذب علي يقولون وش السكريرتي ذا.... . وانا على بالي اتبسم لهم يقال لي تعاملي لازم اصير اجنبي !!!! طبعا ليش جاني هالشعور مادري صراحه
!!!!!!!!!
المهم وقت اقص البوردنق والا وراي وحده ماشاء الله تبارك الله اللي صراحه ماشفت زيها بحياتي ..................... انهبلت قلت بس فرصتك يامناحي..........
<< اصلا ماعمره شاف بحياته بنت الى استغفر الله امي وجدتي
!!!!
قمت اسوي في امها اتكلم انجليزي مكسر وحالتي حاله YES NO WHY WHAT HAHAHAHA طبعا هذي ضحكت بس بالانجليزي يعني مسوي فاهم
المهم
طبعا هذا اللي تعلمته بالثانويه كل شي استخدمه على بالي فاهم في بالي عشان البنت تقول وش ذا الطلقه القوي ؟ والموظف طبعا اعطاني جوي ..................... شوي الى اللي يدقني من وراي طلع رجل في 40 من عمره اسمه ابو تركي طبعا هذا بعد ماتعرف علي وتعرفت عليه ...... قام يسولف معي , تحيل طلع مين؟؟؟؟؟ طلع ابو البنت ................
قلت انا سبحان الله شوف الناس حتىاهلها ذوق وتعاملهم حلو مو زي ابوي ذا الى 24 ساعه عصبي ولا مقاعدينه مبكر طبعا يصرفنا يقول انا طالب هم مقاعدينه عشان اخلاقه ذي التجاريه!!
قمت اسولف معه واخذ واعطي طبعا سولفت معه وعلى بالي باخدمه ضيعت عليه اوراقه حقت الحجز قال لي تكفى اسكت شوي .
المهم
بعد ماتورطت قمت اصرف على بالي ارد على جوالي سحبت نفسي وانحشت من الموقع .
شحنت كل شناطي وعفشي والزيت حق امي وكل شي فضيحه خبيته بالشنطه ؟
ولا جدتي يقالها بتعطيني شي عطتني فكس يالربع تقول لي زين للرماتزيم ياولدي ... قلت لها الله يجزاك خير ياقلبي
....... وبنفسي اقول ليش احد قالك عمري 200 سنه ؟
طلعت للصالات شوي والا الرجال ابو تركي ابو نسب طبعا صار خلاااص!!!!!(واثق)
هذاك جلس جنبي وقمنا نسولف طبعا اهله مقابلينا وقمت اتفلسف عليه
قلت: انت وين مسافر قال لي دبي طالع قلت ليش قال بصيف قلت: اما دبي تسافر حر ولا بعد تصيف هناك من جدك يابو نسب؟؟ صرت امون عليه !!!!
عاد هنا ميت من القهر ابيه يسألني وين مسافر انت ؟؟ بس انه طنشني شوي !!!
ابي انصب عليه نصبه قويه
قال لي: انت على وين ( قلت بنفسي الله جابك)
<<انبسطت يوم سألني هالسؤال قلت بسوي على بالي ولد نعمه !!!
قلت: له صراحه تعرف الرياض قرف وحر والخليج مره زهق فيه والدول العربيه يعني مليت منها, بطلع اغير جو السنه ذي وبطلع استراليا قال لي ماشاء الله دراسه .!!!!! حسيت انه ذاقطني!!!!
قلت له: وبنظره مصحوبه بشوي من الاستخفاف والسخريه فيه انا اسافر دراسه لا يابوي انا مصيف بطلع افر استراليا..... تعال لي هناك نتقابل
قال : لي الله يوفقك على خير شوي جاني ولده الصغير وعلى بالي اتكلم معه قلت وين مسافرين قال لي اسم مدينه بحيات ام ام ام امي ماسمعت فيها !! حتى بالاخبار حتى حسن كراني حق نشر الاحوال ماعمري سمعت انه قالها
<<< متعود على جلست الشايب اخبار ونشرت احوال !!!!!
المهم: هنا انا بلعت العافيه قلت افاااااااااااااااااا طلعوا عيال نعمه
التفت الرجال ابو تركي: ذا قال لي قالك الولد وين مسافرين الله يصلحه لا هي صراحه المدينه جيتها وحلوه صراحه وقمت اجاريه بالكلام . واهز راسي بس على ايش ماني داري ... بس خلااص تورطت. شوي قال لي اسم مدري اصلا كم حرف واصلا اي لغه المهم ترخبطت قلت له والله بشوف المدينه ذي يمكن اجيه أنا والاهل بالمستقبل ان شاء الله.
<<يبيه يقفل على الموضوع 
قال لي: ترى مقاعدنا جنب بعض وترى انت زي ولدي قمت قلت بنفسي يارب البنت جنبي تصير. يعلم الله نيتي طيبه بس صراحه حبيتها تقول لي كيف بقول لك انا خبل !!!
المهم ياشباب فتحوا البوابه صرنا نمشي مع بعض قام الاب يتكلم عني عند اهله مسكين نتيه طيبه !!! انتفخ راسي حسيتانه ثقيل صراحه من جد قسم بالله
شوي جوالي يدق واحد من اخواني قال لي لاتركب الطياره ابيك اطلع لي انا ادور عليك عند البوابات بعطيك شي ؟
هنا من جد انا خفت قلت الله يستر قلت للرجال معليش تمسك الاب توب حقي اخوي يقول ابيك تعال قال لي خلاااص انا باخذ الاب توب حقك ونتقابل بالطياره قلت له زين على زين
طلعت اشوف اخوي قابلته وانا امشي اشوفه انا ماني مصدق وش ذا اللي معه بيده وليش جايبه بالمطار وش يبي ذا الحين !!!!! معاه شي غريب يوم وصلت عنده حلف علي بالله العلي العظيم انك لتاخذه قمت انا بغيت اصيح بالمطار!!!!
تخيلواااااااا وشو هو جايب لي قدر ضغط كبير وحالتي حاله !!!انا عادي بس البنت بتشوفني وش اقول لهم انا قايل بصيف بس قدر الضغط
بيفضحني وش ذا اللي بصيف ومعاه قدر ضغط الا وش القروي ذا !!!!
المهم ياشباب من جد جاني صداع قلت باخذ زقاره واشوف وش ذي المصيبه يوم خلصت الزقاره وطلعت للبوايه حصلت نفسي اخر واحد بعد قلت لا والله جبت العيد !!!!!!!!!
الاخلاق اي كلام من جد والقدر معي والعالم تضحك علي من جد وشكلي غلط يوم وصلت الا والله الرجال قدامي وحالتي حاله واصب عرق قام فطس علي من الضحك والبنت فطست علي من الضحك قدر ضغط ليش !!!! سلامات طالع مخيم انت والا كاشت !!!!
ماعرفت ارد عليه واجي بحط قدر الضعط بالدروج ذي اللي بالطياره والله يهديهم الطيران السعودي دروجهم اي كلام يوم حطيته ويطيح على واحد وجت سليمه الحمد لله .
وجلست جنب الرجال قسم بالله ياشباب ميتين علي من الضحك وحالتي حاله
جالس اقول بنفسي ياولد انطل نفسي من الطياره الحين والبنت كل ماقمت تناظر وتضحك علي قلت بنفسي طز بالبعثه وطز بقدر الضغط وارقد يارجال واللي عقد روؤس الحبال يحلها
بلا غزل بلا خرابيط واول ماوصلت لااستراليا دقيتعلىامي قلت اخطبي لي باأقرب فرصه عندك قالت لي خبل انت الحين يوم انك هنا رافض ويوم تسافر تبيني اخطب لك قلت اقول اخطبي ي الله يرحم والدينك
هذي قصتي والسلام ختام ....
الجمعة أكتوبر 26, 2007 9:26 am
