كلمات اعجبتني وحبيت انقلها لكم
ليش نزلتي عيونك ارفعيها وطالعيني
والايعني انحرجتي يوم جاوبتي سوالي
ليش قلتيلي احبك ليش كنتي تخدعيني
ليش قلتيلي حبيبي ليش قلتيلي ياغالي
كان ممكن مااحبك كان ممكن تتركيني
كان ممكن من البدايه تخدعي غيري بدالي
ليش انا بالذات يعني ليش قولي جاوبيني
بعد غدرك خبريني وقولي بس شلي بقالي
والله اني ماجرحتك ليش انتي تجرحيني
هنت علئ قلبك حسافه وانقضت اجمل ليالي
والقهر للحين احبك وادري انك ماتبيني
والمحبه من طرف واحد نهايتها زوالي
كان عمري بيدينك قولي وش كان بيديني
اذكر انه من غلاتك كان قدرك فوق عالي
كنت اتجاهل واطنش يوم نغزاتك تجيني
وكنت اقول الحب اكبر من تصرف لامثالي
ابغئ من وقتك دقيقه وليت انك تمنحيني
بس ابا اقولك ثلاث اشياء واروح امشي لحالي
اولا فعلا احبك كنتــــــــي قلبي وعيني
وكانت الدنيا بوجودك شي روعه شي خيالي
ثانيا عاللي بدر مني دخيلك سامحيني
يمكن انه زل لساني وقلت انك راس مالي
ثالثا اسالك بالله واطلبك لاتذكريني
احرقي كل القصايد وانسي اشواقي ووصالي
المهم اني اببعد وانتي روحي واتركيني
ارجعيله ومثلي دور البرئيه اللي تبالي
وفي النهايه قبل ماانسئ بقولك كلمتيني
ترا هذا اللي تحبينه هو محمد ولد خالي
تحيااااااااتي .....
الأحد نوفمبر 25, 2007 10:55 pm
